இது முதுமைக்கால மறதி நோயா அல்லது பிற நோய் நிலையா?

உளக்குழப்பம் என்பது மூளையில் ஏற்படும் திடீர் மாற்றத்தை குறிக்கிறது, இது ஒரு ஒருவரின் சுயஉணர்வு நிலை, உளவியக்கத் தொந்தரவுகள், நினைவுத்திறன் குறைபாடுகள், மனவுணர்வு சார்ந்த மாற்றங்கள் மற்றும் மாற்றப்பட்ட அறிவாற்றல் அல்லது கண்ணோட்டம் ஆகியவற்றால் வகைப்படுத்தப்படுகிறது. இவை பல மணிநேரங்களுக்கு அல்லது நாட்கணக்கில் ஏற்படுகின்றன. ஆபத்துக் காரணிகளில் உடல் ரீதியாக நோய் ஏற்படுதல், உணர்திறன் குறைபாடுகள், சமீபத்திய அறுவைச் சிகிச்சைகள் மற்றும் மருந்துகள் அல்லது போதைமருந்துகளின் பயன்பாடு (பரிந்துரைக்கப்பட்டவை அல்லது சட்டவிரோதமானவை) ஆகியவை அடங்கும். உளக்குழப்பம் வழக்கமாக மீளக்கூடியது. 

உளக்குழப்பமானது முதுமைக்கால மறதி நோயுடன் ஏற்படும் என்ற அவசியமில்லை, மேலும் முதுமைக்கால மறதி நோயை கொண்டிருக்காதவர்களுக்கும் உளக்குழப்பம் ஏற்படலாம். உளக்குழப்பம் போலல்லாமல், முதுமைக்கால மறதி நோய் பல ஆண்டுகளாக மெதுவாக வளர்ச்சியடைகிறது, சுயநினைவின் அளவில் மாற்றம் செய்வதில்லை, நிரந்தரமானது மற்றும் ஓரளவு சீரான அடையாளங்களையும் அறிகுறிகளையும்  கொண்டுள்ளது. முதுமைக்கால மறதி நோயுடன் வாழ்பவர்களின் நடத்தையும் கூட, தினசரி அடிப்படையில் ஓரளவிற்குச் சீரானதே.