முதுமைக்கால மறதி நோயுடன் வாழும் நபர்கள் முடிந்தவரை அவர்கள் எப்போதும் இருக்கும் இடத்தில் மூப்படைவதே சிறந்தது. உங்கள் அன்பிற்குரியவருக்கு தாதிமைப் பராமரிப்பு தேவையில்லாமல் இருந்து, ஆனால் அவருக்கு அதிகப் பராமரிப்பு தேவைகள் இருந்தால், அவர்களின் அன்றாட வாழ்க்கை நடவடிக்கைகளுக்கு தேவையான ஆதரவை வழங்கக்கூடிய பல சேவைகள் உள்ளன, அவற்றுள் பின்வருவன அடங்கும்:  

• இல்லம் சார்ந்த தனிப்பட்ட பராமரிப்பு 
• மருத்துவ உதவியாளர்கள்
• மீல்ஸ் ஆன் வீல்ஸ் திட்டம் ( வீட்டிற்கு உணவு அனுப்படும் சேவை)  

ஒரு சில அன்றாட நடவடிக்கைகளில் அவர்களுக்கு சிரமம் இருந்தால், நீங்கள் ஒருங்கிணைந்த இல்ல மற்றும் பகல்நேரப் பராமரிப்பு (Integrated Home and Day Care, IHDC) தொகுப்பிற்கு விண்ணப்பிக்கலாம், இது உங்கள் அன்பிற்குரியவரின் தேவைகளுக்கு ஏற்ற பல்வேறு இல்லம் சார்ந்த மற்றும் நிலையம் சார்ந்த பராமரிப்புச் சேவைகளை இணைக்கிறது. இல்லப் பணியாளரின் உதவியோடு உங்கள் அன்பிற்குரியவரை வீட்டிலேயே நீங்கள் பராமரித்து வந்தால், மேலே உள்ள பிற நிதி ஆதரவின் கீழ் பட்டியலிடப்பட்டுள்ள திட்டங்களுக்கு மேலதிகமாக இல்லப் பராமரிப்பு மானியம் மற்றும் புலம்பெயர்ந்த இல்லப்பணியாளர் (MDW) தீர்வைச் சலுகைக்கும் நீங்கள் தகுதிப் பெறலாம்.  

St. Bernadette’s Lifestyle Village அல்லது ரெட் Red Crowns Assisted Living போன்ற உதவி அளிக்கப்படும் வாழும் இடவசதிகளையும் நீங்கள் கருத்தில் கொள்ளலாம். இந்த இடவசதிகள் இல்லப் பராமரிப்பு உட்பட மேலே குறிப்பிடப்பட்ட சேவைகளை வழங்கும் சமூகம் சார்ந்த வாழும் இடவசதிகள் ஆகும். இது அன்றாட நடவடிக்கைகளுக்கு உதவி தேவைப்படுபவர்களுக்காக வடிவமைக்கப்பட்டுள்ளது, ஆனால் தாதிமை அல்லது மருத்துவ பராமரிப்பு தேவைப்படுவர்களுக்கானது அல்ல, மேலும் தாதிமை இல்லத்துடன் ஒப்பிடும்போது இது குடியிருப்பாளர்களுக்கு அதிக சுயாதீனத்தையும் தனியுரிமையையும் வழங்குகிறது.

உங்கள் அன்பிற்குரியவர் தனியாக வாழ்ந்து, அதைத் தொடர விரும்பினால், நீங்கள் நட்பு ரீதியான சேவைகளை ஏற்பாடு செய்யலாம் அல்லது ஒரு சமூக தாதியர் வழக்கமான வருகைகளை மேற்கொள்ள ஏற்பாடு செய்யலாம். பராமரிப்பு ஒருங்கிணைப்பிற்காக உங்கள் அன்பிற்குரியவரை சமூக நிகழ்வு மேலாண்மைச் சேவை (Community Case Management Service, CCMS) குழுவுடன் இணைக்கலாம். சமூக நிகழ்வு மேலாண்மைச் சேவை (Community Case Management Service, CCMS) வழங்குநர் உங்கள் அன்பிற்குரியவரின் வசிப்பிடத்தின் பகுதியைச் சார்ந்துள்ளது, எனவே நீங்கள் இது குறித்து மேலும் அறிய AIC பராமரிப்பு ஆலோசகரிடம் பேசலாம் அல்லது உங்கள் அன்பிற்குரியவரின் பொது மருத்துவருடைய பரிந்துரையைப் பெறலாம். 

சிங்கப்பூர் செஞ்சிலுவைச் சங்கத்தின் இல்லக் கண்காணிப்பு அமைப்புக்கும் (Home Monitoring System, HoME+) நீங்கள் விண்ணப்பிக்கலாம், இது உங்கள் அன்பிற்குரியவரின் பாதுகாப்பைக் கண்காணிக்கவும், அவசர நிலைகளில் அவர்களுக்கு உதவவும் இயக்க உணரிகள் மற்றும் பீதி பட்டனைப் பயன்படுத்தும் துளை ஏதும் இடப்படாத அமைப்பாகும். இருப்பினும், இந்தச் சேவைக்கு உங்கள் வீட்டில் வைஃபை நெட்வொர்க்கை அமைக்க வேண்டும். Home+க்கு விண்ணப்பத்த காலத்தில் இருந்து காத்திருக்கும் நேரம் ஆறு மாதங்கள் வரை ஆகலாம்.