நடத்தை மாற்றங்கள் ஏன் நிகழ்கின்றன?

உங்கள் அன்பிற்குரியவரின் நடத்தைகளை நிர்வகிக்கும்போது, நீங்கள் ஒரு பராமரிப்பாளராக, சில நடத்தைகளை ஏற்படுத்தக்கூடிய சில காரணிகளைக் கண்டறிவது முக்கியம். உதாரணமாக: 

• நடத்தையைத் தூண்டுவது எது: மலச்சிக்கல், வலி மற்றும் கழிப்பறைத் தேவைகள் அல்லது ஒலிகள், வாசனைகள் மற்றும் வெப்பநிலை போன்ற சுற்றுச்சூழல் தூண்டுதல்கள் போன்ற பொதுவாக பூர்த்தி செய்யப்படாத தேவைகளைக் கருத்தில் கொள்ளுங்கள். 
• நடத்தை அந்த நபருக்குத் துன்பத்தை ஏற்படுத்துகிறதா: அப்படியானால், உடனடி சிகிச்சை தேவைப்படலாம்.
• நபரின் பாதுகாப்பு சமரசம் செய்யப்படுகிறதா: அப்படியானால், சுற்றுப்புறச் சூழல் பாதுகாப்பாக இருப்பதை உறுதிசெய்ய, வீட்டுச் சூழலில் சில மாற்றங்களைச் செய்ய வேண்டியிருக்கும்.

ஒவ்வொரு நடத்தை மாற்றத்திற்கும், நீங்கள் சேகரித்த மேற்கூறிய தகவல்களைப் பகிர்ந்துகொள்வது நல்லது, மேலும் முதுமைக்கால மறதி நோயுடன் வாழும் உங்கள் அன்பிற்குரியவருக்கு நடத்தை மாற்றங்களை ஏற்படுத்தக்கூடிய ஆரோக்கியப் பிரச்சனைகளை (உதாரணமாக நோய்த்தொற்றுகள், மருந்துகளின் பக்கவிளைவுகள்) கண்டுபிடிக்க அவரைப் பார்க்கும் மருத்துவரிடம் (முதியோர் மருத்துவர் அல்லது முதியோர் உளவியல் மருத்துவர்) ஆலோசிக்கவும். உடல் ஆரோக்கியப் பிரச்சனைகள் இதற்குக் காரணம் அல்ல என்பதைத் தீர்மானித்த பிறகு, மருந்தியல் மேலாண்மையைக் கருத்தில் கொள்வதற்கு முன், உங்கள் அன்பிற்குரியவரின் தேவையற்ற தேவைகளைப் பூர்த்தி செய்ய மருந்து அல்லாத அணுகுமுறைகளை முதலில் முயற்சித்து, அவர்களின் நடத்தை மாற்றங்களைக் குறைக்க அல்லது தடுக்க வேண்டும்.

இது பெரும்பாலும் தினசரி பேணும், மருந்து அல்லாத முறைகள் மற்றும் நுட்பங்களாக இருக்கும், மேலும் நீண்ட காலத்திற்குப் பயனுள்ளதாக இருக்கும். மருந்தியல் அல்லாத நடவடிக்கைகளான உளவியல் சிகிச்சைகள் (எ.கா., இசை சிகிச்சை, கலை சிகிச்சை), பொதுவாக மருந்து சிகிச்சையை பரிசீலிக்கும் முன் பேணக்கூடிய முதல்-வரிசை அணுகுமுறை ஆகும். கருத்தில் கொள்ள வேண்டிய எளிய, மருந்தியல் அல்லாத நுட்பங்களின் சில எடுத்துக்காட்டுகள் கீழே உள்ளன:

1. உங்களது அணுகுமுறையை மாற்றியமைத்திடுங்கள். அது மிகவும் கடினமாக இருக்கலாம், அதை எளிமைப்படுத்த வேண்டியிருக்கும் அல்லது முதுமைக்கால மறதி நோயுடன் வாழும் உங்கள் அன்பிற்குரியவருக்கு அது தொடர்பாக சில உதவி தேவைப்படலாம். அவர்கள் தங்களது இயலாமைகளில் கவனம் செலுத்தாமல், அவர்களின் திறன்களில் மீது கவனம் செலுத்த அவர்களுக்கு உதவுங்கள்.

2. உங்கள் அன்பிற்குரியவரின் உணர்வுகளை அங்கீகரியுங்கள். உங்கள் அன்பிற்குரியவரின் உணர்வுகளையும் அனுபவத்தையும் அங்கீகரியுங்கள், மேலும் உங்கள் வார்த்தைகள் மற்றும் செயல்கள் மூலம் இந்த ஒப்புதலைப் பொறுமையாக அவர்களுக்குத் தெரியப்படுத்துங்கள். அவர்களுக்கு எதிராக நிற்கவோ அல்லது வாதிடவோ வேண்டாம் – அந்த நபர் தவறு செய்யும்போது எப்போதும் திருத்த வேண்டிய அவசியமில்லை.

3. அவர்களின் கவனத்தை வேறொன்றின் மீது திசைதிருப்புங்கள். நடத்தைக்குப் பின்னால் உள்ள காரணத்தைக் கண்டறிந்து, உங்கள் அன்பிற்குரியவரை அர்த்தமுள்ள நடவடிக்கைகளில் ஈடுபடுத்துவதன் மூலம் அதை நிவர்த்திச் செய்யுங்கள்.

சில நேரங்களில், மருந்து அல்லாத மற்றும் மருந்தியல் மேலாண்மைகள் இரண்டின் கலவையும் சிறந்த பலன்களை வழங்கலாம். முதுமைக்கால மறதி நோய் மற்றும் நடத்தை மாற்றங்களின் மருந்தியல் மேலாண்மை பற்றி மேலும் படிக்கவும்.