இயல்பாக முதுமை அடைவதற்கும் முதுமைக்கால மறதி நோய்க்கும் இடையே உள்ள ஒன்பது வேறுபாடுகள்

நினைவுத்திறன் பிரச்சினைகள்

எப்போதாவது பெயர்கள் அல்லது நியமன சந்திப்புகள் மற்றும் நிகழ்வுகளை மறந்துவிடுவது, ஆனால் பின்னர் அவற்றை நினைவுகூர முடிவது. சிலநேரங்களில், மற்றவர்கள் சொன்னதை முற்றிலும் மறந்துவிடுவது. 

நபர்களை அல்லது முக்கியமான தேதிகள் மற்றும் நிகழ்வுகளை நினைவில் வைத்துக் கொள்வதில் பிரச்சினையைக் கொண்டிருக்கலாம், மற்றும்/அல்லது ஒரே தகவல்களைத் திரும்பத் திரும்பக் கேட்கலாம், இது அவர்களின் அன்றாடச் செயல்பாடுகளைப் பாதிக்கலாம் (உதாரணமாக, சுற்றித் திரிதல், எதையேனும் வாங்குதல்).

பொருட்களை இடமாற்றி வைத்தல்

எப்போதாவது பொருட்களை இடமாற்றி வைத்துவிடுவது, ஆனால் அவற்றைக் கண்டுபிடிப்பதற்கான செயற்படிகளை மேற்கொள்ள இயலுவது.

பொருட்களைத் தவறவிடுவது, மேலும் அவற்றைக் கண்டறிவதற்கான செயற்படிகளை மேற்கொள்ள இயலாமல் போவது. வழக்கத்திற்கு மாறான இடங்களில் பொருட்களை வைத்துவிடுவது (உதாரணமாக, குளிர்சாதனப் பெட்டியில் கைப்பேசியை வைத்துவிடுவது), மற்றும்/அல்லது அதைத் திருடுவிட்டதாக மற்றவர்கள் மீது குற்றம் சாட்டுவது. இந்த நடத்தைகள் காலப்போக்கில் மிகவும் அடிக்கடி நிகழலாம்.  

காட்சி சார்ந்த புரிந்துணர்வில் பிரச்சினைகள் 

கண்புரை அல்லது கண் அழுத்த நோய் (குளுக்கோமா) போன்ற வயது தொடர்பான பார்வை மாற்றங்கள் மோசமான கண்பார்வைக்கு வழிவகுக்கலாம்.

மூளையில் ஏற்படும் மாற்றங்களால் பொருட்களையும் முகங்களையும் அடையாளம் காண முடியாமல் போவது. வடிவங்கள், நிறங்கள், தூரங்கள் மற்றும் இடைவெளிகளைக் கண்டறிவதில் சிரமம் (உதாரணமாக, தரையில் கண்ணை கூசும் ஒளியை நீர்க் குளமாக உணர்தல்).

நடை மற்றும் நடமாட்டத்தில் பிரச்சினைகள்

தசை பலவீனம் மற்றும் மூட்டு பிரச்சினைகள் போன்ற வயது தொடர்பான உடல்நலக் காரணங்களால், நடக்கும்போது வலி மற்றும் விறைப்புத்தன்மையை அனுபவிக்கலாம், அல்லது நீண்ட தூரம் நடப்பதற்கு அல்லது படிக்கட்டுகளில் ஏறுவதற்கான தாங்குதிறன் குறையலாம்.

உடலின் சமநிலையும், சுற்றுச்சூழலைப் பற்றிய விழிப்புணர்வும் குறைவதன் காரணமாக பாதுகாப்பாக நடப்பதற்கான இயலுந்திறனைப் படிப்படியாக இழக்கலாம். காலப்போக்கில் உட்கார, நிற்க மற்றும் நகர்வதற்கு அதிக ஆதரவு தேவைப்படலாம். 

மனநிலை, நடத்தை மற்றும் ஆளுமையில் மாற்றங்கள் 

சிலநேரங்களில் வேலை, குடும்பம் மற்றும் சமூக நடவடிக்கைகளால் சோர்வடைவதுடன், சிறிது மனோதிடம் அல்லது மனக்கவலையை உணர்வது. பரிச்சயமான நடைமுறைகள் அல்லது குறிப்பிட்ட வழிகளில் விஷயங்களை மேற்கொள்வது தடைப்படும்போது எப்போதாவது எரிச்சல் அடைதல்.

வெளிப்படையான காரணமின்றி அதிவிரைவான மனநிலை மாற்றம் ஏற்படுதல், சமூக நடவடிக்கைகளில் இருந்து விலகுதல், செயலற்ற நிலையில் இருத்தல் மற்றும் வழக்கத்தை விட அதிகமாகத் தூங்குதல். பிறர் உணர்களைச் சற்றுப் புரிந்துகொள்ளாதவராக மாறுவது.

நேரம் மற்றும் இடங்கள் பற்றிய குழப்பம் 

எப்போதாவது வாரத்தின் நாளைப் பற்றி குழப்பமடைவது, ஆனால் பின்னர் அதைக் கண்டுபிடிக்க முடிவது. சிலநேரங்களில், வீட்டில் ஒரு இடத்திற்குச் சென்ற பிறகு, அங்கு சென்ற காரணத்தை மறந்துவிடுவது, ஆனால் அந்தக் காரணத்தை மீண்டும் நினைவுகூர முடிவது.

நேரத்தைச் சொல்ல முடியாமல் இருப்பது, அல்லது உணவு நேரங்களைப் பற்றிய குழப்பத்தை அனுபவிப்பது (உதாரணமாக, இரவில் மதிய உணவைக் கேட்பது). தங்களின் இருப்பிடத்தை, அது தனது சொந்த வீடாக இருந்தாலும், அடையாளம் காண முடியாமல் இருப்பது, இது அறிமுகமில்லாத அல்லது இரைச்சலான சுற்றுச்சூழல்களில் விரக்தியான உணர்வுகளுக்கு வழிவகுக்கிறது. அடிக்கடி செல்கின்ற பரிச்சயமான இடங்களில் தொலைந்து போவது. 

தகவல்தொடர்புகளில் சிரமங்கள்

சிலநேரங்களில் சரியான வார்த்தையைக் கண்டறிவதில் சிரமத்தை அனுபவிப்பது. உரையாடலைத் தொடர்வதற்குக் கடினமாக கவனம் செலுத்த வேண்டியிருப்பது, ஆனால் சிலநேரங்களில் திசைதிருப்பப்பட்டால் அல்லது ஒரே நேரத்தில் பலர் பேசினால் உரையாடிக் கொண்டிருந்த விஷயத்தை மறந்துவிடுவது.

தங்களை வெளிப்படுத்த சிரமப்படுவது, சரியான வார்த்தையைக் கண்டுபிடிக்க அல்லது பொருட்களின் பெயர்களைக் கூறச் சிரமப்படுவது. மற்றவர்கள் என்ன சொல்கிறார்கள் என்பதைப் புரிந்துகொள்வதில் பிரச்சினைகளைக் கொண்டிருப்பது, சிலநேரங்களில் எப்படி தொடர்வது என்று தெரியாமல் உரையாடலை நிறுத்துவது.

தீர்மானிப்புத் திறன் மற்றும் சமூக நடத்தை 

எப்போதாவது ஒரு தவறான முடிவை எடுப்பது.

சில விஷயங்களைச் செய்வது பாதுகாப்பானதா அல்லது சரியானதா என்று தெரியாமல் இருப்பது (உதாரணமாக, அந்நியர்களுக்குப் பெரிய தொகையைக் கொடுப்பது, அல்லது பொது இடங்களில் கத்துவது மற்றும் ஆடைகளைக் கழற்றுவது).

திட்டமிடுதல், சிந்தித்தல் மற்றும் பரிச்சயமான வேலைகளை முடிப்பதில் சிரமங்கள் 

விஷயங்களுக்கு எதிர்வினையாற்றுவதில் அல்லது விஷயங்களைச் சிந்தித்துப் பார்ப்பதில் சற்று மெதுவாக இருப்பது, மேலும் பலபணிகளைச் செய்ய இயலாமல் போவது, குறிப்பாக கவனம் சிதறும்போது. எப்போதாவது தவறு செய்வது, உதாரணமாக, மாதாந்திரக் குடும்ப வரவுசெலவைத் திட்டமிடும் போது.

பழக்கமான மற்றும் தினசரி பணிகளைத் திட்டமிடுதல் மற்றும் செயல்படுத்துவதில் சிரமத்தைக் கொண்டிருப்பது (உதாரணமாக, மளிகைப்பொருட்களின் பட்டியலை ஒழுங்கமைத்தல், மாதாந்திரக் குடும்ப வரவுசெலவுத் திட்டத்தை நிர்வகித்தல் மற்றும் கட்டணங்களைச் செலுத்துதல் அல்லது பிடித்த விளையாட்டின் விதிகளை நினைவில் வைத்துக் கொள்ளுதல்). சுய அலங்காரம் அல்லது சுகாதாரம் ஆகியவற்றில் குறைந்த கவனம் செலுத்துவது. மனதை ஒருமுகப்படுத்துவதிலும், அறிவுறுத்தல்களைப் பின்பற்றுவதிலும் பிரச்சினையைக் கொண்டிருப்பது, இதன் காரணமாக, விஷயங்களைச் செய்ய அதிக நேரம் எடுத்துக்கொள்வது.